Fjórða vikan að hefjast

Þá er helgin búin og sömuleiðis vigtunin.  Vigta mig alltaf á laugardagsmorgnum og hún sagði í þetta skiptið 94,5 kg.  Var bara mjög ánægð með það, missti 0,8 kg í þessari viku og get ekki verið óánægð með það .

Var með sukkdag á laugardaginn og var hann bara mjög fínn.  Mér finnst nefnilega ágætt að hafa eitthvað svona til að hlakka til því ég er ferlegur nammigrís.  Ef ég mætti við því þá myndi ég borða nammi á hverju kvöldi.  En þar sem ég er allt, allt, allt of þung og í lélegu formi þá myndi ég aldrei gera það.  Hætt því hér með!!

Mér finnst eiginlega sunnudagur vera langerfiðasti dagurinn til að standa mig.  Það er ennþá helgi og maður á kannski ennþá nammi frá laugardeginum.  Svo þarf ég eiginlega að pína sjálfa mig áfram að fara í ræktina.  Fór á ofurtækið mitt í gær í hálftíma.  Síðustu fimm mínúturnar fór ég algjörlega bara á þrjóskunni.  Píndi mig gjörsamlega áfram, var alveg búin á því.

Er búin að ákveða að vera ekkert að stressa mig að missa mikið í hverri viku.  Á meðan ég er að missa eitthvað er ég ánægð .

Athugasemdir

[Bumban 09 (IP-tala skráð) 30.1.2009 kl. 01:10]

Gangi þér vel skvís

[Fatso (IP-tala skráð) 30.1.2009 kl. 15:21]

Flott hjá þér, dugleg að púla svona